Imithetho Yezithuthuthu

Khwela Ngomngcipheko Omncinci: Ulawulo Lomkhweli Nobuchule Bokuqaphela

Eli candelo lichaza ukubaluleka kolawulo lomkhweli xa ukhwela endleleni. Emva kokufunda eli candelo kufuneka wazi:
• Indlela yokuqonda nokulawula ukudinwa.
• Impembelelo utywala neziyobisi ezinayo kumandla akho okukhwela ngokhuseleko.

Ukukhwela akuze kube ngaphandle komngcipheko, kodwa kufuneka ujolise ekukhweleni ngomngcipheko omncinci. Umkhweli onomngcipheko omncinci unobuchule obulungileyo bokuqaphela, bolawulo lwesantya, bendawo endleleni, bokwenza izigqibo nobokubona iingozi.

Imeko yendlela ihlala itshintsha kwaye oku kufuna amanqanaba aphezulu okuqaphela nokugxila. Isitshixo sokuqaphela okulungileyo kukujonga ngokutshintshisa.

Ukujonga ngokutshintshisa kukugcina amehlo akho ehamba, ujonga kwindawo enye imizuzwana embalwa, uze emva koko uhambise amehlo akho uye kwenye indawo.

Xa ujonga ngokutshintshisa jonga:
• Kumgama.
• Kumphezulu wendlela.
• Ngasekhohlo nangasekunene kwakho.
• Rhoqo kwizipili zakho nakwizixhobo zakho zemiqondiso.